All Dogri Sonnets
बक्त ते सुआल – जुआब
उब्बी बक्त हा जे बक्ता दा घाट्टा निहा बिलकुल:
तूं ओ सुआल ही, पता निहा जेदे जुआबा दा।
ते बक्त मेरै उप्पर पेदा हा किष नेहा मुष्कल,
जे एह्दा हल्ल कोई नेईं हा, समझै च आवा दा।
जुआब दी तपाषा च रेहा में भड़कदा सारै;
जुआबे थाह्र थ्होए लेकन मीं, सुआल हर थाह्रै।
बे-स्हाबा बक्त हा ते लेइयै में सारें सुआल्लें गी,
रेहा गिनदा, जुआबहीन ते बीरान साल्लें गी।
बो मेरी तेरी आवेगी मलाटी होने दै मगरा,
मिरे सारे सुआल्लें दा जुआब तूं देई गेई ही।
ते इस लाना-फरोषा गी जकीन औने दै तगरा,
मिरे बक्ता गी तूं गै चोरटिये, चोरी लेई गेई ही !
ते हून मेरा मन करदा ऐ, तुक्की सख्त मिलने दा,
मगर मिलै निं करदा तेरे षा मीं बक्त मिलने दा।