Explore KVMT

All Dogri Sonnets


उस्सर-पस्सर

भ्यागा, झत्त मेरी चान-चक्की तेरे नै होई,
तां झक्खड़ झुल्लेआ ते हाड़ प्यारा दा चढ़ी आया।

तेरे जिस्मा दी मन्द-मन्द, भीनी-भीनी खषबोई,
दै कारण, रत्तू च हा वीर्य गाढ़ा ठाठां मारा दा।

खिना दी गल्ल ही केवल, तेरै लाग्गै खड़ोते दे,
में तुक्की छूही सकदा हा कलावा मारी सकदा हा।

ते तेरे गिल्ले-गिल्ले, कपकपान्दे बु’ल्ल ओ तत्ते ,
में झुकियै चु’म्मियै अपना नषा तुआरी सकदा हा ,

ते किज बी होई सकदा हा, हां किज बी होई सकदा हा!!
तूं मेरै कोल ही ते प्रीत बी तत्ती ही अत्त मेरी,

ते मेरी हस्तिया दी भट्ठी दा आवा जला दा हा।
प इन्नी चान-चक्की तेरे नै होई ही झत्त मेरी;-

तुगी छूह्ने दा चेता भुल्ली आ मिक्की यका-यक हा;
में टऊ होए दे दिखदा रेहा, मत्तू हा, ऐह्मक हा।।

Copyright Kvmtrust.Com