Explore KVMT

All Dogri Sonnets

किष दाने पुराने हैन

खबर ऐ- (एह् छड़ी अफवाह् ऐ जां सच्च ऐ बिलकुल,
इदा सबूत हैन्नी पर छपी दी ऐ खबारें च।)

चीन देसा दा तकलीमकान ऐ जिढ़ा मरूथल,-
उदे च दफन मुरदें दियें कबरें दी कतारें च,-

खुदाई करने आह्लें गी मिले ‘जौआ’ दे किष दाने।
एह् सैंसदानें राहे जद सधारण मित्तिया अंदर।

तां कंजकें राहें राही साखा आंह्गर पीले, मन-भाने,
इनें दानें पुरानें दे सुहाने फुट्टे हे औंकर।

अज़्मत, ईन निं बाकी बचे दे डुग्गर जाती च,-
प किष दाने पुराने हैनः- डीडो, जित्तो ते रणपत।

इनेंगी राहियै, हीन डोगरा जाती दी छाती च,-
उगांदे की निं अस अपनी कदीमी ईन ते अज़्मत।

अगर सदियां पराने ‘जौ’ दे औंकर फुट्टी सकदे न?
तां साढ़े ज़ैह्नी सकते बी जकीनन त्रुट्टी सकदे न।

GREETING

We are glad that you preferred to visit our website.

X
CONTACT US

Copyright Kvmtrust.Com