All Dogri Sonnets
मारू किरले
अजें सूरज निहा चढ़ेआ ते ओ उफका दै थल्लै हा,
नषेई षान्ती ही तारी मेरी अरबला उप्पर ;
अजें ते झुसमुसे दा राज इस दुनियंा दै मैह्ल्लै हा
ते त्रेल गिल्ली-गिल्ली चमका दी ही खब्बला उप्पर।
मेरी अनदिखदी अक्खें दिक्खेआ इक दोधिया पक्खर,
त्रेल चट्टने तांईं, आई बैठा मेरै बेह्ड़ै
ते सैल्ले खब्बला च इक्क सैल्ला किरला जोरावर,
षकारा दी तपाषा च, आई पुज्जा, ओदै नेड़ै।
लपाका इक्क जीभा दा फिरी लाया हा किरले नै,
बचारा दोधिया पक्खर हा किरले दा ग्राह् बनेआ।
एह् होना जाननां, होनी दा, में चंगी त’रां, फ्ही केह्
मिगी दिक्कत पुजाऽ करदा, मेरे तांईं त्राह् बनेआ?।
मेरी अनमोल हीखी दे बी सारे रंग बिरले न
ते खबरै एह्दे तै बलगा दे किन्ने मारू किरले न ?