Explore KVMT

All Dogri Sonnets

रस-भरी हामी

तिरै नै मिलने षा पैह्लें, में कोषष करदा होंदा हा-
बिजन नषान छोड़े, टैह्लने दी, बरफा दै उप्पर।

तिरै नै मिलने दै परैंत्त, में ऐ सिर्फ एह् कीता-
में गीत सैंकड़े लिखी उड़े न हिरखा दै उप्पर।

द’मै एह् कम्म मेरे लाज़मन नाकाम होने हे,
ते मिक्की र्हानगी निं जे द’मै नाकाम होए न।

नषान पैरें दे, बरफू दै उप्पर पक्क पौने हे,
मिरे गीतें दे मुखड़े बी अति अनाम होए न।

जे मेरा बस्स चलदा प्रेम-गीत लिखने दै बदलै,
में तुक्की प्यार करदा, तेरै च गलतान होई जंदा।

ते की जे प्रेम-गीत लिखन होंदे न छड़े ओल्लै,-
फ्ही जेल्लै आषकें दा चित्त ऐ हलकान होई जंदा।

प्रेम-गीतें दे सोज़ा थमां बी सौ गुणा कामी,-
अपनी प्रेमका दी होन्दी ऐ इक रस-भरी हामी।

GREETING

We are glad that you preferred to visit our website.

X
CONTACT US

Copyright Kvmtrust.Com