Explore KVMT

All Dogri Sonnets

मरजी दी मालक

रंडोई कोख हा में, रुज्झे दा अपने रंडापे च,
ते मेरे रोन्दे नैनें गी निं लब्भे लफ्ज़ें दे गुन्चे ;

ते पिट्टो-पिट्टी दे रौले मुजूं मेरे कलापे च,
ओ कविता रानिये तेरे मिगी आ’ले नेईं सुनचे।

चैह्दां साल पूरे तूं मिगी जो बे-रुखी दित्ती, –
मेरे अवेका दी कोरज ही सुक्की, में हा रंडी जन ;

रतीली होई ही ज़रखेज़ मेरे लफ्ज़ें दी मित्ती,
चफेरै सोच मेरी होई ही पथरीली कंढी जन।

रंडोई कोखा गी बी बीऽ हिरखी थ्होई सकदा ऐ ?
अगर ओ षरम अपनी बेचियै हत्तक खरीदी लै।

ते ओदी गुप्त गरमैषै च चैन होई सकदा ऐ ?
अगर ओ पत अपनी बेचियै ठंडक खरीदी लै।

मगर में षरम निं बेची ते अपनी पत नेईं बेची।
ते खीर अपनै आप तूं मिलन आई मिगी चेची।

GREETING

We are glad that you preferred to visit our website.

X
CONTACT US

Copyright Kvmtrust.Com