All Dogri Sonnets
मषवरा
लुकाई कच्ची होंदी ऐ: एदे सब बाक बिसले न:
दुआसी की, सवी-संञां, मेरे चेह्रे पर हावी ऐ ?
सजीव नैन तेरे की कुड़े इस चाल्ली हिसले न ?
की तेरे फड़कदे होठें दै उप्पर ला-जवाबी ऐ ?
असें अज्ज प्यार कीता तां गलांदी ऐ धङाणै गै,
दमैं अस खज्जलखार, बे-अकल, बदकार बैतल आं।
अगर अस प्यार निं करदे, बनी रौंह्दे बगान्ने गै,
लुकाई आखदी कायर आं, बुज़दिल आं, डरौकल आं।
खुदा दा बास्ता ई करन दे चरचे लुकाई गी ;
लुकाई कच्ची होंदी ऐ, एदे सब बाक बिसले न।
तूं कैह्ली लोकें दी सुनियै, एह् जान झूरें पाई दी ?
एह् सारे बे-क्यासे, मीसने, दोखी ते ज्हमले न।
दुआसी छोड़, हस्स-खेढ, जीना सिक्ख तूं कुड़िये ;
सजीव नज़रें कन्नै मेरै पासै दिक्ख तूं कुड़िये।